除咗9210行貨中文版會響短時間內同大家見面，二月亦會有幾隻新機面世。王子收到風，響水貨場備受冷落嘅「娛樂王」5510，如無意外下個月就有行貨推出。其實以「分唇」計，MP3加收音機，上到網又打到機，理應賣個滿堂紅，但咁滯銷相信唔多唔少都同個賣相有關。
嚟緊重有隻MP3播放機，可以接駁舊機8210及8250使用，配上專用Handsfree亦可當作免提，家陣水貨賣緊千三蚊左右，以內置32MB計好似貴咗啲喎！
最後一隻相信係諾記旗艦級機王，取代現款8850嘅8855，可惜王子重未有機會親身接觸。不過聽啲行家講話，有幾成似家陣嘅8850，仍然死不悔改繼續雙頻，唔知幾時先有隻三頻世界機王獻世呢？