法國藝術點樣？中環機鐵站上蓋的國際金融中心IFC由今日至下周一，會有五十位法國當代畫家及雕塑家親自展出自己最新的作品。
有得睇又有得買，五百至五萬都有交易，重慳咗昂貴的畫廊佣金，如果自認懂得欣賞法國當代藝術，可以去同啲法國畫家面對面講吓價。
昨天畫展的開幕禮，恒基和新鴻基兩位執行董事薛伯榮、黃植榮都有出席。典禮的高潮是由法國女畫家YvetteManiglier教兩位董事作畫。原來呢位畫家唔嘢小，係著名野獸派代表畫家馬諦斯入室弟子，法國總統、皇室成員都收藏她的作品。
薛伯榮同八方講，自己淨係識睇風景畫，唔多識欣賞呢啲抽象主義、現實主義風格，不過IFC定位咁高級，梗係要搵番啲有番咁上下地位的展品。
E-mail：