一個推廣普通話嘅辯論，搞到噚日立法會個個「煲冬瓜」，提出動議嘅蔡素玉梗係開心，但係唔少議員，特別係民主黨議員就「有口難言」！
叫得推廣普通話，企起身發言嘅議員在情在理都應該講普通話，呢樣嘢真係考起民主黨，佢哋好多議員連大陸都返唔到，點可能叫佢哋煲冬瓜煲到「勒勒聲」呢？不過，呢個世界總有人心口貼個勇字，張文光同單仲偕就自動請纓代表黨發言，張文光話自己噚日開會前半個鐘，捉住班職員操練，八方聽佢「表演」，都算唔錯，但係佢自己就好緊張，猛咁叫大家忍耐吓，又話唔可以爆肚喎。
E-mail：