02年香港時裝節剛結束，壓軸的「青年時裝設計家創作表演賽」，一向為新晉Designers的跳板。商台DJ少爺占看後在節目內有以下評語：「參賽者都好畀心機去設計，但整個Show就太特定、悶兼冇新意，大會音樂又唔配合現場觀眾情緒，都幾失敗！政府搞嘅喎？！」。事實上，本地公式化的FashionShow看得太多，訓練你每次只可以睇衫，不可貪心。若偶然衫以外個Show亦精采就當Bonus，會更覺意外驚喜。
當然，今次都係睇衫！
記者：梁珮瑜
攝影：楊錦文
過往賽後總會有話Designers抄襲模仿的評語，今年亦會發現有參考名師的作品，但每個設計師都會有其啟蒙大師，初出道時帶有別人影子亦無可厚非。外援Models又點睇？
當晚所有參賽作品是清一色女裝，而貿易發展局就請來過去在設計賽中獲獎的Designers，以「PoetSociety」十九世紀詩人形象作主題，設計一系列男裝作表演。