兩個最危險的女人碰頭會發生甚麼事？答案只是一篇訪問。中國證監會副主席史美倫做咗副部級官員成年，只係接受過兩次專訪，一次係《人民網》，今次就係搞到格林柯爾主席顧雛軍雞毛鴨血嘅《財經》雜誌。《財經》出動最重磅記者，即係主編胡舒立，佢俾美國《商業周刊》稱為「中國最危險女人」，經典之作係踢爆「銀廣夏」事件。呢兩位女士，在內地股市莊家及炒股散戶心目中，非常非常可怕。
史美倫上任之後，成日俾大陸股民鬧，話佢搞冧個市，查太（雖然佢唔再冠夫姓，但係話唔介意八方繼續叫佢查太）出名口密，都忍唔住在訪問內發咗幾句牢騷：「如果說，我們對操縱市場及其他傷害投資者的行為採取行動就打擊了股市，那麼，是不是不採取行動，指數就可以繼續上漲，保持一個很高的點數？」查太今次上埋《財經》做封面人物，由胡舒立親自操筆，用十三版篇幅報道佢，似乎真係前途無量。
E-mail：