許志安在日前無綫頒獎禮上奪得男歌星獎，最近他頻頻慶祝，前晚就連趕兩場，先與吳國敬及陳小韻等到九龍城吃泰國菜，其後又與雷宇揚到跑馬地蒲吧，但整晚都未見鄭秀文出現，可謂各自各精采。
剛獲得《勁歌金曲》最受歡迎男歌星獎的許志安，前晚連跑兩場，先與吳國敬、陳小韻等到九龍城歎泰國菜，之後又與雷宇揚到跑馬地把酒談心，但全程卻不見好朋友鄭秀文（Sammi）蹤影。Sammi日前被拍下與唱片公司同事往BBQ，今次安仔又與朋友去蒲，可謂各自各精采。
前晚約八時左右，吳國敬與女友仲春菲、陳小韻與男友Andy、張崇基及一圈外友人等先到達九龍城金不換泰國菜館，安仔隨後駕駛保時捷跑車與助手抵達，一行八人在房內吃泰國菜，卻未見Sammi出現，到九時四十分左右眾人才離去，埋單一千二百多元。
安仔先與助手步出，尾隨的吳國敬等人發現記者蹤影，竟馬上折返餐廳，難怪安仔在門外說：「乜啲人咁耐都唔出嚟㗎，咁凍。」
問安仔是否為《勁歌》頒獎禮得獎而與友人慶祝，他說：「唔係，普通食飯啫。」對於好朋友Sammi並沒有出現，安仔則說：「入面個個都係好朋友，我唔答呢啲嘢㗎。」提及Sammi日前往BBQ時大唱他的歌曲，安仔聞言後笑說：「嘩，係咩？咁犀利？我都唔知。」及後十二時多，安仔於跑馬地出現，原來他與雷宇揚到上次和Sammi慶祝的Brsi吧把酒談心，之後他便載雷宇揚離去。
採訪：李珮洳、卓寶花
攝影：林德雄