昨晚氣溫降至十二度，梁愛詩出席君悅酒店的仁愛堂周年慈善餐舞會時有備而來，身穿一件純黑皮草到場，夠晒溫暖；入舞會前更醒目地換上紫色羊毛披肩，一副雍容華貴的樣子。
在場還有老牌歌星張露、李隆基、兩位發叔劉皇發同黃宏發、民政總署嘅呂孝端都有畀面出席。
記者當然不放過機會，追問詩姐對大律師公會主席梁家傑前日話政府有事好少諮詢業界的說法，詩姐唔肯回應，指在該舞會非一個適當的場合作回應。
但八方聽聞，對梁家傑想與政府和律政司「共舞」的比喻，詩姐私底下就話唔介意同梁家傑跳舞，重叫梁大狀千祈咪跳SOLO咁話。估唔到詩姐對自己的舞技咁有信心，其實如果係咁，昨晚請埋梁家傑去仁愛堂的舞會，兩人一舞泯恩仇咪一天都光晒啦！
重有，周街都話詩姐姐會連任，再坐一會，但佢就好灑脫，一味話唔制，唔知阿董點勸佢呢？
當然，詩姐姐唔做，大把人肯做，但係分分鐘唔知乜料，所以大家寧願詩姐姐留低。
（圖）詩姐姐話唔介意同大律師公會主席梁家傑共舞。
E-mail：