保險界立法會議員陳智思班老友昨日雖然失場，未有依時應特首之邀請出席「拉票」大會，好似唔將董建華競選連任之事放在心上，但八方所知，陳智思其實整天為董特首之事操心，才搞到失場。
話說昨日卿姐一拖五，叫晒民主黨、職工盟同街工立法會議員共六人，打正反董連任大聯盟招牌在立法會開記者會，事先張揚抵制董建華的諮詢大會；記者會尚未開始，門口突然出現咗個稀客，大家仍未為意之際，卿姐已第一時間大叫：「我哋歡迎陳智思加入！」原來當日在挺董大會上成為挺董「八大金剛」的陳智思，未知是否要為董生收集第一手情報，所以百忙中抽空捧反董大會嘅場，重企喺度細心聆聽倒董大聯盟嘅心聲。
所以話，董生斷不能因為陳智思一時失場而錯怪好人，暗地裏陳智思時刻為董生操心。
E-mail：