氣溫急降，一件保暖羽絨當然唔少得，但市面一般質素高嘅羽絨褸都賣成過千蚊，非常昂貴。今日介紹呢個倉，賣嘅全部係有名戶外品牌，好似喺日本大熱嘅MARMOT、MOONSTONE及PENFIELD等等，部分牌子更有香港通用公證行發出的羽絨成分證明書，𠵱家開倉全場共有5,000件貨品任你選購，大家不妨買件羽絨傍吓身。
記者：黃秋燕
攝影：周旭文、伍慶泉
ImageGirl：Tammany
這件奧地利品牌INNSBRUCK女裝羽絨中褸以超級勁筍價發售，由原價$1,280減到$290一件。佢嘅用料一啲都唔差，外層以Polyester製成，內含80%羽絨及20%羽毛，保暖程度極高，適合攝氏-20℃以上嘅氣溫穿着，褸帽重有毛毛邊設計，啱晒今年嘅潮流，有黑色、卡其色、紅色、湖水藍色等供選擇。
蓬鬆度：700
尺碼：S、M
貨量：約500件
原價：$1,280
美國戶外用品牌子MOONSTONE的羽絨，面層以防風透氣的Polyester製成，而羽絨成分係AllDown即全鵝絨，比一般鴨絨更暖，適合攝氏-15℃的氣溫下穿着，有紫色、綠色及黑色選擇，但Size較大，比較啱男仔着，附送小袋一個，方便將羽絨摺埋收藏。
蓬鬆度：700
尺碼：M、L
貨量：約160件
街價：$2,200
這款來自法國的ESQUISSE女裝雙面羽絨外套，雙面設計，可有兩款顏色選擇，Polyester嘅褸面，內含80%羽絨及20%羽毛，適合攝氏-8℃或以上的溫度穿着，備有米色配黑色及粉紅色配黑色兩款選擇，𠵱家只需$190就可以擁有，簡直物超所值。
蓬鬆度：600
尺碼：S、M
貨量：約160件
街價：$598
木村拓哉喺日劇《BeautifulLife》中亦曾經穿着過MARMOT的羽絨褸，夠晒有人氣，羽絨外層同樣以Polyester製成，而內含羽絨成分亦是全鵝絨，適合攝氏-20℃以上的氣溫穿着，重有黑色、紅色、綠色及藍色選擇。
蓬鬆度：700
尺碼：S-L
貨量：約130件
街價：$1,800
咁凍嘅天氣，當然唔可以忽略小朋友，這件INNSBRUCK童裝羽絨，含80%羽絨及20%羽毛，有防風透氣及跣水功能，適合攝氏-5℃左右的氣溫，還配有可拆除的帽，方便小朋友活動，備有紫色、粉紅色及寶藍色以供選擇。
蓬鬆度：600
尺碼：S-XL
貨量：約280件
街價：$490
ESQUISSE女裝二合一羽絨，外層羽絨外套含80%羽絨及20%羽毛，裏面配有有帽尼龍風褸，可分開穿着，除此之外，羽絨外套的袖子可拆除，立刻可變成背心，一衣多款穿法。顏色方面，有橙色及米色以供選擇，適合攝氏-10℃以上的氣溫下穿着。
蓬鬆度：600
尺碼：S-M
貨量：約150件
街價：$850
這件ESQUISSE三合一羽絨褸，外層第一件係以Hydrostat製成的壓膠外套，所有線位完全密封，具防風防水功能，而內層一件係抓毛外套，而另一件則是內含80%羽絨及20%羽毛的羽絨褸，三件一齊着，就算攝氏-30℃都冇有怕，如果唔係咁凍既天氣，三件分開單獨穿着一樣得，備有黑色、杏色及紅色選擇。
蓬鬆度：500
尺碼：XS-XL
貨量：約160件
街價：$1,880
來自美國的PENFIELD羽絨，尼龍面層具防風跣水功能，羽絨成分是全鵝絨，備有白色、藍色及黑色選擇，款式設計夠簡單，包保唔會過時，適合攝氏-10℃或以上。
蓬鬆度：700
尺碼：S-L
貨量：約130件
街價：$1,800
A&F呢個美國牌子近年喺香港都有幾高知名度，呢款羽絨唔知啱唔啱心水，外層以Polyester製成，成分為全鵝絨，適合攝氏-15℃左右的天氣穿着。
蓬鬆度：500
尺碼：M
貨量：30
街價：$1,800
Mandy
係我啲朋友介紹我嚟呢度買羽絨，果然真係比市面平好多，今次開倉咁抵，我諗我都會叫啲朋友嚟睇睇。
Winnie
我喺荔枝角返工，所以有時都會同啲同事嚟睇吓嘢，𠵱家唔使$200就有件羽絨，雖然香港天氣唔係咁凍，但我諗我會買番件去旅行着。
羽絨倉開倉資料
日期：1月22日至31日
時間：10:00am-7:30pm（星期一至六）10:30am-6:30pm（星期日）
地址：九龍荔枝角道808號香港紗廠1及2期地面106-110號舖
查詢電話：23075668
＊購物滿$300或以上，可以VISA、MASTER及AE卡簽帳。