霍震霆昨日出席山東女畫家閻萍的「母與子」畫展。講起前日的狠父殺兒案，佢話咁矚目的頭條，連煲呔曾都話心酸，佢當然亦有留意。小霍在致辭中開門見山，指現在的家庭受到經濟壓力，已經忽略了溝通關懷。跟着盛讚畫家閻萍每幅畫都洋溢溫馨寧靜，欣賞之餘也可學會善待珍惜家人，推而廣之，連世界都會更和諧（咁厲害？）。
之後小霍同八方傾開偈，𠵱家世界難撈，後生仔一畢業就大把工揀已成歷史，所以佢同女畫家用普通話講，自己都要「掟」個仔去清華大學學幾個月「煲冬瓜」，練好啲溝通表達。當閻萍讚小霍「煲冬瓜」不錯，小霍即自謙幾年前自己一句也不會講，全靠苦練。
﹙圖﹚霍震霆（左二）出席中國女畫家閻萍的畫展，獲對方稱讚「普通話很不錯」。
E-mail：