百佳超級廣場特別多外國進口的即食品，好似呢隻新登場的即食Pizza，現時只有幾間百佳超級廣場及超級市場有售，重係由倫敦空運到港，兼每隔3日即轉新夠晒新鮮，另外重有分別由德國及加拿大入口的Pizza，一樣好味新鮮，還有一些外國小食及甜點。
記者：葉少萍 攝影：伍慶泉
英國Pizza至尊PizzaExpress，現已登陸百佳，有充滿辣味牛肉、青椒、洋葱芝士及番茄的辣味牛肉薄餅(SloppyGiuseppe)、一陣香蘑菇味道的蘑菇薄餅(Mushroom)、布滿辣肉腸、辣椒、芝士及番茄的美國辣味薄餅(AmercianHot)、由軟腍芝士配鮮甜番茄的馬加韋達薄餅(Margheritane)及有火腿、橄欖、芝士及番茄的娜穎薄餅(LaReine)5種口味，全部都係由英國倫敦直接入口，每3日來貨一次，放入微波爐加熱十分鐘便可。每個直徑有12吋。
咁多款Pizza，以呢款布滿辣肉腸、辣椒、芝士及番茄的美國辣味薄餅(AmercianHot)最受歡迎，未食已聞到陣陣辣肉腸香味，入口餅皮又腍又脆，辣肉腸夠辣，芝士又香又軟，番茄夠甜。
呢兩款德國出的Waitrose品牌的Pizza，完全係小朋友口味，有滿布火腿及菠蘿的火腿菠蘿薄餅(Ham&PineapplePizza)、一陣香蒜味及蘑菇味的香蒜蘑菇薄餅(GarlicMushroomPizza)，約每星期轉一轉新貨，放微波爐加熱十五至二十分鐘。每個直徑有9吋。
呢款一盒足夠2人食，兼由加拿大入口的noname牌Pizza，有材料豐富的至尊薄餅(DekuxePizzas)及辣味十足的辣肉腸薄餅(PepperoniPizzas)，一盒內有2個，放微波爐內加熱八至十分鐘便可。每個直徑有5吋。
呢款SaraLee品牌的櫻桃芝士批由澳洲入口，入口皮夠鬆，櫻桃味又酸又甜，芝士味鹹鹹哋，所以食落味道又酸又甜又鹹，夠晒特別，愛試新口味的你，不妨試試，放入微波爐加熱約5-7分鐘即可。
圖左呢款由英國空運來的泰式咖喱雞(ChickenTikkaMakhani)，打開就有陣陣咖喱味，入口雞肉又滑又腍，一盒足夠1-2人分量，圖右的咖喱薯仔(BombayPotatos)，同樣美味可口，貨品重會每4-5日便會更新一次，保證新鮮度高，只需放入微波爐加熱約6-7分鐘即可。
呢款果醬冬甩由澳洲入口，只需放入微波爐加熱約20秒-1分鐘20秒即可，入口表層又鬆又軟，內裏果醬味又甜又香，一盒有成6個，足夠3-6人食，作早餐、下午茶食品就最好。
愉景灣、花園道、合和中心、陽明山莊、赤柱、又一城及康樂園百佳分店
＊其餘貨品於所有百佳超級廣場有售。