2001年度港台「十大中文金曲頒獎音樂會」前晚在紅館舉行，台上獎項塵埃落定，台下品味則今日定論。記者請來時裝設計師夏嘉懋親身到紅館，近距離就各大紅星領獎戰衣作現場品評，夏嘉懋說：「今年整體不過不失啦，女星平均着得出色啲，男星就好大路，黑色為主，好穩陣。」
夏嘉懋表示女星中以鄭秀文（Sammi）及陳慧琳（Kelly）一黑一白最有大將風範，但Sammi的戰衣疑抄襲LV；容祖兒則過時及老積。
評語：一件頭着得好精神同清麗，集齊二○○二年春夏所有潮流元素：白色、碎花、外套，頭髮好有動感，有大將風采，感覺幾超然，可惜件衫嘅設計就同LV嘅春夏系列有啲相似。
評語：我覺得係佢喺幾個頒獎禮中最聰明嘅着法，之前太多配飾，分散焦點，今次好乾淨，斯文、有型但性感，Kelly着得好靚。
評語：全場我最唔鍾意，件衫本來冇問題，但個款唔夠時代感，紅色絲絨更加老積，加埋心口一堆金光燦爛嘅飾物，一啲都唔討好，有啲out！
評語：上身嘅立體縐褶幾時尚，貫徹嬌俏可人，但顏色唔好，太暗啞，令膚色映到有啲瘀色，有待改進。
評語：好騎呢，顏色同款唔單止似賣壽司，重好似日本搞笑節目主持，不過咁就夠突出！
評語：全場最差，唔夠突出，有啲唔湯唔水，衫太長，佢腳唔夠長；頸唔夠長，個領位開得好尷尬，最唔好係中性灰色，唔夠光鮮，轉用白色會好好多！
評語：揀得好精明，呢類似孕婦裝剪裁嘅裙，其實係韓國民族服一種風格，代表向韓國山河致敬，背後意念好好，加上佢唔係瘦削型，黑色吊帶長裙遮到啲肉。
評語：西班牙look來年都幾興，舞台感覺好好，佢都好受得閃令令，其他人未必有咁好效果。
評語：爛牛仔褲都上得舞台，配合到佢不羈風格，頭髮本來幾好，有層次感，但見唔到眼太刻意，俾人覺得跟謝霆鋒。
香港時裝設計師夏嘉懋（Margaret），原名夏克薇，入行逾十年，出道數年間即在香港時裝界成功崛起，且擁有自己的設計公司。Margaret中五畢業後就入讀香港理工大學設計系，主修時裝設計，之後再往歐洲進修。完成課程後，加入一美資時裝貿易公司任職創作總監。兩年後，即自行成立設計公司，以設計制服為主，近期則為香港賽馬會設計員工制服。