別以為進口、零售食米很容易，優質食米會受種植地區及氣候所影響。為保證質量，米商須不斷測試食米質素，由米辦、剛進口的食米、以至存倉的食米均須檢定，故要日日煲幾十煲飯試食。唔講唔知，米不貴新鮮，不是剛收成的米最好食。香泰米業經理任靜萍表示，新米未收水，會好脹、黏性好高，要混入一些舊米，煮出的飯才會更有口感、更有飯味及飯香。
她強調，公司只會選用同一品種的舊米與新米配搭，絕不會影響其質量。
此外，當日的天氣濕度對煮飯亦有影響，落多少米、水煲飯便決定於此。為令顧客能煮出一煲靚飯，香泰現時長期於惠康超市舉辦試食大會，教煮靚飯。若再講究一些，香泰亦有一條客戶熱線，電話25409282，為顧客解答問題。不過，一煲靚飯始終都要趁熱食，因為時間一長，米色會變黃外，水分亦較容易被抽乾。