趙世光與緋聞女友譚玉梅經常被拍到約會食飯睇戲。所以長居上海的何琍琍與丈夫趙世光中港分隔，仍對丈夫行蹤瞭如指掌。前晚「采蝶軒」上海店開幕，出席到賀的何琍琍大爆老公最怕打針與離婚，更揚言懶理譚玉梅，說對方遲早「換畫」。
【記者梁錦雯、羅德光上海直擊】鴻萍男友梁廷鏘在上海投資逾千萬港元的高級粵菜餐館「采蝶軒」前晚舉行開幕酒會，何琍琍與女兒趙式和、張天愛與男友羅素、鄭明明夫婦、鄭裕彤女婿杜惠愷等均出席到賀，席間何琍琍更大談丈夫趙世光與緋聞女友譚玉梅。
提到丈夫趙世光與緋聞女友譚玉梅，何琍琍滔滔不絕說：「現代人要有求生本能，唔可以一本天書睇到老，無勇氣、逃避就會有悲劇，我哋要識得自己起家庭革命。其實女人先係真正強者，我老公肥屍大隻就最怕打針，男人呢，就好狠心，女人感情就好脆弱，我都係，不過佢驚我，驚我返去要同佢離婚，但我如果要離婚一早就離咗啦。」
何琍琍勸記者多影譚玉梅與其他男伴，她說：「你哋成日寫我老公係唔公平，香港地邊有男人結咗婚就唔同女仔食飯㗎，你咁寫，就畀機會個女人張揚，你哋點解唔寫佢同其他人食飯呢？」
提起譚玉梅有其他男伴，何琍琍表示：「佢（譚玉梅）都會換畫啦，我唔諗佢，亦同我無關係，我唔會管人哋嘅事，佢有佢生活方式，總之我開心，我自己生活響小小天地度，唉，可惜我重要響名利場打滾，要做到真正自由都唔得。」
而新天地老闆、「上海姑爺」羅康瑞亦有到賀，羅康瑞表示經常微服出巡新天地內餐廳自費食飯，親身體驗餐廳真正的服務態度，再與老闆討論有何改善的地方。
上海采蝶軒是梁廷鏘與胞兄梁廷斌全球第九間分店，亦是進駐中國首間分店，六千呎面積投資一千四百萬港元，主要賣新式粵菜。梁廷鏘說：「籌備半年，單單請人都用咗四個月，下一站會喺北京開分店。」而負責室內設計及裝飾的則是已故賭王傅老榕的孫兒傅厚民。
傅厚民說：「ZEN（采蝶軒之英文名）即係『禪』，主要設計加入佛教概念，而大部分擺設同燈飾都係親自設計，中國製造。」