大球場昨舉行甲組聯賽「雙料娛樂」，愉園及晨曦均有一名有新外援登場，愉園前鋒占士來自千里達，而另一位晨曦前鋒來自坦桑尼亞，二人共通點除了是國腳級外，同屬「冇料到」。
綜觀今季聯賽，愉園及晨曦已先後轉換多名外援，有球圈人士指出，由於國內足球迅速發展，香港要物色有質素外援，往往要和國內球會競爭。在資源有限的本地球會，迫於由以往巴西、英格蘭等盛產外援地區，轉移在非洲、亞洲及中北美洲物色外援，因此才會出現貨不對辦情況。
國籍：千里達（愉園）
點騎呢法：呢位曾經同約基做隊友嘅千里達國腳，噚日面對高尼路全無表現，睇嚟最後都要執包袱走人。
國籍：坦桑尼亞（晨曦）
點騎呢法：呢位東非前鋒腳下功夫雖然不俗，但晨曦老細周文亮開到聲話佢踢法唔啱球隊要求，睇怕都要買定機票返祖家。
國籍：斯洛伐克（晨曦）
點騎呢法：以為來自斯洛伐克就會同甄馬田相差無幾，點知落場比賽全程得個「走」字，最後當然又係「走」，走人個「走」。
國籍：俄羅斯（愉園）
點騎呢法：其實呢位前鋒最穩打穩紮，可惜叫價高之餘，自己又患思鄉病，為愉園入咗球波之後就鬆人。
國籍：新加坡（愉園）
點騎呢法：愉園希望搵一位柱躉中鋒，但呢位新加坡國腳只得五呎六吋高，就算友賽時倒掛入球咁巴閉，最後都要返星洲。