施熙瑜昨日在奧海城商場舉行時裝展，名模楊崢及盧淑儀穿上施熙瑜設計的春裝行天橋，並邀請了何嘉莉唱歌表演。
當司儀Kawaii介紹帝柏海灣樓盤的設施時，講及泳池嬉水，何嘉莉突然說：「我都唔識游水嘅！」Kawaii口快反駁說：「咁你又着三點式泳衣？」
接着何嘉莉表演時，現場音響失靈，聽不到她唱甚麼，同時現場觀眾又紛紛離開，場面尷尬。事後何嘉莉說：「啲商場係咁㗎，咪當實習囉！」嘉莉昨日穿的衣服，性感度似乎不及施熙瑜，何嘉莉說：「冇得好講，人哋天生一副魔鬼身材，我要檢討一吓。」
另外，施熙瑜對姚樂怡早前指她應承借衫給姚樂怡做騷，卻突然反悔一事，她解釋：「第一，佢冇叫我設計；第二，佢冇信畀我，冇出信我公司咪唔借囉。衫就預備咗，佢個朋友又冇聯絡我，呢個可能係中間嘅誤會。」
採訪：楊潔雯 攝影：仇志德