Twins昨出席新歌《孖寶668》MV首播儀式，英皇唱片特為後日二十一歲生日的鍾欣桐（Gillian）提前慶祝，令她感動落淚。近日Twins為趕拍劇而沒機會休息，她們說：「有錢都冇碇使！」
昨日Twins齊齊到西九龍中心，出席新歌《孖寶668》MV全球首播儀式，吸引過千名fans圍觀，場面墟冚。
本月二十一日（即後天）為Twins成員鍾欣桐（Gillian）二十一歲生日，由於屆時她將在內地橫店拍攝新劇《齊天大聖孫悟空》，故其所屬的英皇唱片公司，特地在首播儀式上為她送上生日蛋糕，提前為Gillian慶祝生日，令Gillian驚喜萬分，感動得當眾落淚。
問Gillian有何生日願望，她說：「希望身體健康啦！其實我哋啱啱先喺橫店返香港，為咗趕拍劇，我哋每日只係瞓得兩、三個鐘，真係好辛苦！」
Gillian與拍檔蔡卓妍（Charlene），連日來因為趕拍劇而弄致疲態畢現，二人更自嘲說：「我哋有錢都冇『碇』使，因為根本冇時間行街！」
為了拍劇，Gillian後天生日也要在工作中度過，不過，鬼馬的Charlene，卻表示會為Gillian搞一個神秘生日會，令Gillian不禁半信半疑，並說：「肯定冇人到啦！」
採訪：胡比
攝影：仇志德