八方噚日聽聞長實喺長沙灣嘅重頭盤泓景臺可能開售，成為今年首個開售的大型樓盤，當然要去湊熱鬧，果然由小超人噚日親自領軍，公布售樓大計，發覺佢答問題嘅工夫重勁過老父超人。
有記者問佢香港經濟表現不佳及失業率問題時，佢就話記者唔應該只看GDP（本地經濟生產總值），要看GNP（國民生產總值），𠵱家呢方面嘅表現其實唔差。佢話之所以有咁嘅看法，最主要係GNP包括了港人喺境外賺取嘅收入，其實相當不俗。現場嘅地產版小朋友當然俾佢考起，唔敢反駁佢嘅高論。
（圖）小超人：大家學嘢嘞！（設計對白）
E-mail：