終院首席法官最怕邊個？昨日名校聖保羅男女校畢業禮，王䓪鳴做主禮嘉賓，校董會副主席兼校友李國能年年都出席，今年亦不例外。八方問佢讀書時有乜嘢最難忘，李官諗都唔使諗就話當時的校長Ms.Kotewall（羅怡基）好嚴厲，自己因為好乖先冇俾人罰，一邊講一邊流露出懼怕的表情。不過嚴師出高徒真係無講錯，王䓪鳴都大讚李官有定力，以前兩人同於行政局坐隔籬，Rosanna已經領教過李官的坐功，原來全靠中學有個惡校長。
李官六三年中三就去咗外國讀書，佢話自己在聖保羅成績都唔錯，在頭五名之內。當年同班同學有永亨銀行董事長兼行政總裁馮鈺斌同港大建築系教授龍炳頤。
雖然李官年年都有出席，今年心情就好唔同，因為佢話聖保羅轉直資，將會充滿挑戰，重話做教育好有意義，所以自己做咗十幾年校董。講起轉直資是否變成貴族學校，李官興致勃勃地向八方解釋是有三成學生可以全免學費，所以學校絕對不是貴族學生專利。
（圖）王䓪鳴和李國能出席聖保羅男女校畢業禮時，大讚李官夠定力。
E-mail：