羅霖、陳煒、李妮和黃浩然等，昨日於清水灣片廠為亞視賀歲劇《有求必應》開鏡拜神。復出拍劇的羅霖有點不習慣，她說：「噚日（指前日）一拍就拍咗九場戲，拍到凌晨四點幾，今朝（指昨早）要陪小朋友食早餐，所以瞓咗一個鐘。好彩兩個仔都冇投訴少見面，只要每日見一次，同佢哋傾吓偈，就冇問題。」
而李妮則表示近期遭母親催婚，她說：「媽咪見過我男朋友，覺得佢好好，所以希望我快啲結婚。不過，我目前以事業為重，過多五年先至考慮。」問李妮可考慮同居，她表示不反對同居，但她個人則不會考慮。
此外，陳煒與黃浩然在劇中發展姊弟戀，陳煒笑說：「今年買參茸海味就有着落，因為黃浩然屋企做呢門生意。不過，佢唔係送畀我㗎，佢話會平啲打個折頭喎。」