懷有四個月身孕的鄧小艾，昨日偕男友張文聰手拖手往銅鑼灣買生果。其間小艾表示與男友由相戀到懷孕都受盡壓力，自覺患上產前抑鬱症，而其兄鄧兆尊對張文聰仍存芥蒂。
懷有四個月身孕的鄧小艾昨日與男友釣魚郎張文聰手拖手，現身銅鑼灣逛街，雖然小艾腹部微隆，但仍步履輕盈，他們又往生果檔買生果。問小艾目前身體狀況如何？她自言患上產前抑鬱症，每日都覺得有很多顧慮，令其情緒起伏不定。
小艾說：「我𠵱家重咗七磅度啦，身體算OK，冇其他大肚婆咁嘔到黐肺。但我有產前抑鬱症，好多嘢諗，第一次做媽咪嘅感覺好緊張，壓力好大，又驚個BB生出嚟唔知會係點。我啲胃口又突然轉晒，好在隔籬有個張師奶（指張文聰）成日提住我要注意啲乜，食啲乜。之前佢尾龍骨有事入咗醫院，我成日照顧佢，𠵱家就梗係到佢照顧番我啦。」
小艾與張文聰相戀年多以來，一直飽受壓力，張文聰亦坦言初期與小艾拍拖時，所聽的閒言閒語，實在令他及其家人痛苦不堪，張文聰說：「我記得有次十一姨（洪國華）喺圓山飯店，爆晒粗口鬧我係下等人、一隻狗，佢覺得我住公屋嘅人想入上流社會。當我返到屋企，真係忍唔住喊。」此時在旁的小艾即說：「我唔會再評論十一姨呢個人，斷絕關係就算啦。」
小艾續說：「我知兆尊錫我，但我希望佢畀啲時間去睇。」兆尊曾表示看淡小艾與張文聰的感情，張文聰說：「我諗係有人喺兆尊身邊講咗太多中傷我嘅嘢，所以佢至會咁諗。」
不過，兆尊昨日在電視城為《皆大歡喜》拍賀年歌時，語氣強硬地說：「張文聰嘅大話太多啦，又話腰傷做唔到嘢，咁又可以造到細路？始終係姑爺仔嘅伎倆，每個男人都識㗎啦，唔窮唔用啫，有一日小艾錢財散盡咪醒囉。」
採訪：朱芷瑩、卓寶花
攝影：陳梅香、卓寶花