梁詠琪（GiGi）在賀歲片《嚦咕嚦咕新年財》中，可謂造型多多。昨日GiGi在石澳開工，其髮型明抄保安局局長葉劉淑儀，但GiGi不怕會令葉太不悅，並謂會以最靚一面演繹掃把頭。
梁詠琪GiGi在賀歲片《嚦咕嚦咕新年財》中，扮完四十二吋巨胸女郎後，昨日她又戴上一個掃把頭假髮，穿上行政套裝，與保安局局長葉劉淑儀確有幾分相似。
由於昨日拍攝地點位於石澳郊區的一所豪宅內，加上GiGi的假髮又似一堆草，兼噴上髮膠，所以令GiGi的頭上不斷有蚊盤旋，她更在接受訪問時不時問記者：「有冇蚊『嬲』我呀？」
葉劉淑儀的髮型多次被外界諷刺，不過葉太早前在電台訪問中，曾堅稱不會轉髮型，並稱：「如果我連髮型都捍衞唔到，又點捍衞香港嘅治安？」
而今次GiGi在片中扮演一個掃把頭評稅主任，造型明抄葉太，但她卻不擔心會令葉太不悅，GiGi說：「我會扮得佢好靚，況且扮佢唔係我嘅意思，係編劇嘅意思嚟嘅，我會用最靚嘅一面演繹角色，唔會醜化，係個假髮借嚟用一用啫。本來今朝我貪得意，喺個嘴上畫咗粒癦，後尾覺得太誇張，都係冇要到。」
至於GiGi昨與劉德華（華仔）拍對手戲時，對白頗為惹笑，劇情講述GiGi要向華仔追稅，但華仔說：「你唔好搞埋啲咁嘅look至得㗎，掃把頭唔係人人受得㗎！」
GiGi在《嚦》片中的角色會經常轉工，故其造型也會隨着職業而變化。GiGi造型百變，但昨日有份拍攝的古天樂，則表示不會介意被GiGi搶鏡。
採訪：魯萍 攝影：何國豪