本月三日是麗新集團主席林百欣（林伯）八十八歲大壽之喜，前晚林家總動員假中環麗嘉酒店，筵開八席為林伯補擺壽宴。林伯談到生日願望，依然是工作至上，未萌退休之念，還銳意開拓內地市場，樂於過着每天工作十多小時以上的忙碌生活。
前晚林百欣（林伯）在麗嘉酒店設的八十八歲壽宴，林家成員盡出，包括林伯元配賴元芳、二姨太余寶珠、長子林建名、次子林建岳、養子林建康夫婦等，另外還有林太余寶珠的閨中好友李香琴及其契女關菊英等人，不過，席上尚欠林太口中的「永遠媳婦」謝玲玲、林建岳女友Monica及林伯三姨太顧瑞英。
壽宴由林伯幾位兒子作統籌，筵開八席，散席時林伯由養子林建康陪伴離去。問到林伯的生日願望，他說：「我希望人人都好，工作順順利利啦，尤其係內地嗰邊，因為我今年有三個重點計劃，包括喺廣州天河廣場，會打通戲院同間酒店，另外喺廣州有幾塊地皮要起樓，重有計劃喺上海發展。
林伯續說：「喺內地發展要應付好多政府同人事問題，我喺公司係負責把關嘅，好多問題等住我去解決，我份人做嘢鍾意親力親為，乜都唔放心，所以做咗四十幾年，一日都未休息過，生日願望最緊要係工作順利我就開心啦。」問林伯真的沒想過計劃退休享受人生？他說：「我要做嘅嘢太多啦，一日要做十幾小時，邊諗到退休。」
至於養生之道，林伯亦有一份堅持，他說：「我有個風雨不改嘅習慣，就係每朝六點起身，然後原地跑五十分鐘。飲食方面，盡量食得清淡啲，好似魚、菜就食多啲，肉就好少食嘞！」
林伯一向嗜吃魚柳包，問他最近二姨太余寶珠開設鼎泰豐食店，會否移情吃小籠包？他說：「小籠包太油膩啦！我喺開幕嗰日食過一次就冇再食。」問林伯擁有三位太太，如何分配時間，會否效法賭王何鴻燊「秋收冬藏」的言論？林伯說：「嘻！我唔知佢哋（指眾太太）呀，我自己顧掂自己咪得囉！」
飲食--嗜吃清淡食物如蔬菜、魚類，少吃肉類。
運動--每朝六時起牀，梳洗後原地跑五十分鐘，風雨無間。
起居生活--每天工作十多小時，雖擁有三位太太，但對於賭王何鴻燊「秋收冬藏」的言論，林伯說：「我冇理呢啲嘢，自己顧掂自己就得啦！」