貧病交煎的許婆婆與鄧婆婆，晚年靠傷殘津貼及綜援金維生，負擔不起更換破爛家庭電器的費用。蘋果日報慈善基金與聖雅各福群會合辦「電器贈長者」計劃，安排轉送讀者捐贈的家庭電器給像許婆婆與鄧婆婆一樣的貧困獨居長者，讓他們感受到社會人士的關懷。
個案一： 六十六歲的許婆婆，患糖尿病且行動不便，平日多留在家中度日。「以往耐唔耐或者每逢過時過節，我一定返鄉下探親，呢幾年要用枴杖行路，連行遠啲都唔得，我至成日被迫屈喺屋企！」許婆婆皺着眉說。
最令許婆婆難過的是，近月家中的電視機及電飯煲相繼失靈，許婆婆束手無策，更感淒苦。她訴說：「個電飯煲用咗十幾年，呢排成日煮到啲飯半生熟，我好多時惟有煲粥食。另外個電視機最近開掣後乜嘢都無得睇，令我連惟一娛樂都冇埋。」
許婆婆年輕時先後從事工廠女工及酒樓侍應，退休後依靠綜援餬口，過着捉襟見肘的生活。你願意捐一部電視機及一個電飯煲給許婆婆，好讓她喜迎新歲嗎？
捐款編號：C0434
個案二： 六十三歲的鄧婆婆，近月獲分配公屋單位，得償「有個安樂窩」的心願，奈何貧困無依的她，苦無餘錢支付安裝電話及添購家居電器的費用。
「我不嬲租房住，成日要搬嚟搬去，𠵱家有得上樓，有間設施新淨又有電梯嘅公屋單位畀我長住，我真係好歡喜。不過，新屋冇雪櫃，我早幾日飲咗啲冇冷藏嘅隔夜牛奶，搞到肚痛咗成日，另外又冇電話用，怕萬一有意外都唔知點求救。」鄧婆婆向記者訴說。
獨居的鄧婆婆，早年喪夫，膝下無兒無女，多年來靠從事餐廳雜工餬口，生活孤苦。約三年前，鄧婆婆練習保健體操時不慎扭傷韌帶及右腿足踝，加上患骨質疏鬆症，需靠枴杖助行，每日要靠服藥紓緩痛楚，被迫減少外出，避免操勞。
受傷患困擾，鄧婆婆現靠傷殘津貼及綜援金應付生計。「我每日午餐淨係食麵包或者餅乾，每個月慳慳哋至夠使，好難有錢剩。」
鄧婆婆續歎謂：「前排搬嚟呢間新屋，我用晒社會福利署畀嘅三千一百蚊搬遷津貼交最基本嘅費用，包括屋租同水電按金、安裝電熱水爐、請工人將啲衣服雜物搬過嚟，另外買個石油氣煮食爐同換張新牀，已經冇錢買電視機、雪櫃同裝電話。」
鄧婆婆目前需要一部雪櫃及電視機，新舊不拘，另缺錢支付約八百元的安裝電話費用，盼善長伸出援手，解其困境。
捐款編號：C0414
為幫助有需要的獨居長者改善生活質素，蘋果日報慈善基金與聖雅各福群會合辦「電器贈長者」計劃，饋贈的電器包括：電飯煲、電熱水器、BB響水煲、電視機、雪櫃、洗衣機、電燈泡、收音機、多功能（有特大數字及擴音器）電話等。歡迎社會服務機構轉介個案申請；另歡迎讀者送出電器，本報將安排轉贈予有需要的長者。查詢電話：29908688
暖流熱線
電話：29908688
傳真：23702192
電郵：
網址：