包玩包食：
漫畫店包場幾十蚊又玩又食

一班人聚會有咩搞？基本上年輕人鍾意嘅電腦遊戲攻略、漫畫雜誌、有線足球聯賽直播、音樂電影、益智棋類耍樂等玩意一應俱全，玩到餓又可飲食多款餐廳平價美食，每人幾十蚊就可包全場玩餐飽。咁筍？呢度就係二十四小時營業漫畫屋，上層專做私人派對。入「屋」前記得換對拖鞋，大家好似返咗屋企一樣咁輕鬆自在！

記者：鄭潔兒　攝影：楊錦文
ImageGirl:VickiLeung

Pizza吐司$22
烘至金黃香脆的厚片吐司可任擇兩款配料，配意式醬汁，成為有薄餅多種口味和厚多士的滋味配搭。
試味報告： 鮮蝦蘑菇拍檔味道較清新，吐司咬落夠香脆。

最受歡迎：上海香菇排骨麵$26
店內坐鎮了一位京菜師傅，這秘製醃好的上海排骨有一手。配雞湯和上海幼麵，成為「食飽飽推介」之一。
試味報告： 排骨鬆軟入味，雞湯麵帶肉香。

日式燒雞串$56
燒雞串外表吸引，串燒肥美雞肉配個日式甜汁，可選飯、意粉或薯菜。
試味報告： 雞肉外香內juicy，蘸日式甜汁甚惹味。

新口味：焦糖杏仁班戟$18
脹卜卜的班戟皮包住厚厚的鮮打忌廉，夾着炒香的焦糖和杏仁碎，是店中最新推出的甜品。
試味報告： 鮮打忌廉入口豐厚，夠晒香甜幼滑。

西班牙海鮮飯$35
鮮豔的西班牙飯以黃薑粉炒底，配青口、鮮蝦和青紅椒等，熱食香噴噴。
試味報告： 味道豐富，只可惜海鮮種類未算多。

焗意大利肉丸$22
食主菜未盡興？加小食焗肉丸和西蘭花啦。前者以蒜茸、番茄、芝士和香草製意式醬汁燴豬肉丸，後者以白汁芝士焗西蘭花和薯茸。
試味報告： 肉丸酸甜而菜花芝士味香濃，平凡卻美味。

包場須知
包場的形式及收費十分彈性，須於每次預約時與負責人商議，下列為一般情況下的參考價格。
以人數三十人，包場兩個小時，約四款小食的簡單Buffet為例，每位所須價錢如右表：
約於凌晨1時起包場至早上6時，每位約$100。包場者，其中最少一人為會員。入會費成人每年$50，十五歲以下或持有效學生證者，每年$25。

全部以2小時計
上午（09:00-13:00）：
平日（星期一至五） $50-$60
假日（星期六、日及公眾假期） $50-$60

下午（14:00-18:00）：
平日（星期一至五） $50-$60
假日（星期六、日及公眾假期） $60-$70

下午（19:00-00:00）：
平日（星期一至五） $60-$70
假日（星期六、日及公眾假期） $70-$80

備註：以上價錢僅作參考之用，須與店員另行商議。

店名：佐熊家PC網略店
電話：28381322
地址：銅鑼灣謝斐道496號金利文廣場12樓
營業時間：全日24小時
付款方法：現金
備註：場地最多可容納80人；包場者必須最少一位為該店會員。