立法會八黨聯盟召集人田北俊，今日會代表約見政務司司長曾蔭權和公務員事務局局長王永平（圖），研究公務員編制增減的問題。
有八黨中人向八方表示，原來王永平搵過八黨召集人田北俊解畫，王永平好坦白同田少講，話就話佢叫公務員事務局局長，但就真係好難協調及調配各局資源人手，皆因各個局長大家「咁高咁大」，有些局需要開位，有些局就唔肯刪位，要佢做醜人協調真係唔掂，所以佢同田少講，要解決問題，麻煩田少「請移玉步」，直接搵佢阿頭搞掂，即係直接搵煲呔曾拆掂呢件事！八方覺得局長真係唔易做，好似星爺做房屋局局長就連「八萬五」冇咗都唔知，𠵱家王永平又話管唔到班局長，唔通真係吓吓要特首出手先掂？
E-mail：