年紀小小的成仔，自幼喪父，現與母親相依為命，租住狹小的套房，僅靠綜援金生活。由於經濟緊絀，成仔連書枱、字典等基本學習物資也欠奉，但難得的是，就讀小一的他，成績依然名列前茅。「成仔都算生性，老實講，我唔識教佢，又冇錢請補習老師，平日都係靠佢自己勤力溫習。」成仔的母親王女士說。
在剛過去的期考，成仔大部分科目考獲滿分，但品學兼優的他仍不自滿。「我都唔係全部有一百分，有啲科目得九十幾分，我會努力啲，我嘅志願係做醫生。」乖巧的成仔說。
為幫助社會上的清貧優異生，龍島食品有限公司由即日起至二月九日，推出兩款精美禮盒，並以慈善價四十九元發售（原價一百六十元），讀者凡惠顧一盒，龍島即捐出當中五元予蘋果日報慈善基金的「助學金專戶」，兩款慈善朱古力於全線地利店以禮券形式發售，市民可於四間指定的龍島美食店換領，訂購及查詢電話：27981205或29227055。
暖流熱線
電話：29908688
傳真：23702192
電郵：
網址：