曾經風靡一時，搞到數百市民通宵輪候選購嘅「落機呀」一代機王8850，行貨已經正式宣布停產。而金版就頂替呢個過渡期，榮登寶座。水貨即時跟紅頂白，芬蘭水機跟一電嘅「單春版」就跌到唔使$2,200，呢個價位都頗吸引。不過插過PatPat改咗中文顯示，唔多唔少都有啲避忌。
諗番較早時玩唔夠半年就出現「CheckOperator」嗰批機，搞到成千銀先醫得番，加上真係鍾情呢隻機嘅朋友已經喺高中低價位摸過貨，睇吓二手舖有幾多Show番出嚟就知銷情如何啦！嚟緊行貨嗰邊，王子收到風會有「電腦王」9210中文版，相信會響二月中同大家見面，揸緊英文版嘅行家就要留意嘞！