知名小提琴家西崎崇子，噚日喺港島香格里拉酒店，獲奧地利有關方面頒發一個叫「GoldenMerit」嘅榮譽獎項，佢為表隆重，專登着咗套和服出席；而陪佢攞獎嘅，當然唔少得佢位德國籍嘅老公KlanusHeymann，另外，超人姨仔莊月華同梁愛詩亦有到場恭賀。
西崎崇子話，佢雖然係日本人，但係計埋噚日，都係生平第四次着和服咋，佢話：「着和服好論盡，要搵專人嚟幫手着！」傾到攞獎心情，西崎崇子話：「作為音樂家，攞到音樂之都頒發嘅獎，當然覺得榮幸啦，我自己都有去過奧地利維也納遊玩，重有去過莫扎特嘅墳前悼念一番㖭。」
（圖）西崎崇子（右）話自己咁大個女都係第四次着和服，唔知我哋詩姐（左）又着過未呢？
E-mail：