承認曾寫信被告兄長「畀條生路」
「水警」：呢件事唔係捏造

【本報訊】因買兇殺妻入獄的前水警吳偉民，在毒梟涉嫌在獄中連環買兇殺人一案中，被盤問時披露曾致函首被告兄長，為「亂講嘢」道歉，懇求原諒，但辯稱：「呢件事唔係揑造，佢哋自己心裏有數！」
現年三十七歲綽號「水警」的吳偉民以控方特赦證人身分作供，指控四十一歲首被告劉國雄及同齡次被告麥錦泉於九九年三月，在赤柱監獄以三十萬元利誘他殺人，而他不願做殺手，並向廉署舉報。
辯方大律師黎德誠昨盤問吳偉民時，問他是否曾在九九年十一月中，在石壁監獄致函身在赤柱監獄的劉國雄兄長劉國楨，吳偉民說有此事，並自爆內情。

「我同差人亂講嘢」
吳偉民說：「嗰封信係講我已經喺釘房釘咁耐，我同差人亂講嘢，我同佢哋道歉，叫佢哋放過我，畀條生路我行，希望佢哋大人有大量，原諒我，畀我落返大房，唔使喺釘房咁慘。」吳偉民又指，信中亦有提到，希望麥錦泉原諒他。
辯方大律師指吳偉民在信中承認揑造本案的指控，吳偉民反駁稱：「呢件事唔係揑造，佢哋自己心裏有數，唔通我重辣着佢，話『你好彩，差人告唔倒你』？」
案件編號：HCCC87&240/2001