信德集團執行董事何超鳳（Daisy）昨日上新城財經台接受龐愛蘭的專訪，係人都知Daisy係賭王何鴻燊個女，含着銀匙出世，不過Daisy就話，爸爸在她們小時同佢哋講，一定會供書教學，至於讀乜科目就自己決定，大前提係，讀飽書後，要搵到份養得起自己的工作。就係咁，本來唔鍾意計數嘅Daisy發現最搵到食、最吃香嘅工作係財務融資，所以碩士學位就揀咗呢科，畢業後第一份工就係加入法國國家巴黎銀行做融資工作。
Daisy又話，細細個已經覺得爸爸做事好勤力，每晚放工都會帶大批文件返屋企睇，有時重會半夜三更打電話畀下屬問公事。後來Daisy同家姐何超瓊相繼回信德幫手，賭王亦會夜晚打電話畀佢兩姊妹問公司啲事，一視同仁。
E-mail：