本田爵士正式登陸香港

本田爵士正式登陸香港

等咗好耐,本田部Fit(港版稱爵士),可望於下個周末正式登陸香港喇!據聞呢部本田新一代K-Car,響日本本土嘅銷情持續向好,平均每月錄得2萬部嘅銷量,重要較豐田Corolla更勝一籌㖭!但由於Fit有供不應求嘅關係,今趟香港代理爭取得三百部,相信賣完之後亦未必會咁快可以補給到新貨!故亞Mark提醒有興趣擁有爵士嘅朋友,真係有買趁快喇!
然而,雖然近排日圓有下調嘅情況出現,但由於來貨定價高企嘅關係,相信爵士嘅定價亦會較同級嘅豐田Echo略高幾個巴仙㗎!但若然係心頭好的話,又點可以忍手呢,係咪?