等了十多個年頭，終於等到與女友鄭秀文（Sammi）一起奪得「最受歡迎男、女歌星」獎項的許志安（安仔），前晚跟Sammi一起出席慶祝派對，據知Sammi飲醉後由安仔送返家中，兩人繼續慶祝，共享溫馨浪漫。
許志安（安仔）與鄭秀文（Sammi）在《勁歌》頒獎禮中，以情侶檔姿態贏得「最受歡迎男、女歌星」獎後，前晚齊齊到跑馬地的BrSi酒吧慶祝，並玩至凌晨時份。據知，Sammi高興得飲至大醉，安仔體貼地送她返回大坑道大寶閣寓所，而安仔更順道在Sammi香閨度春宵。
安仔昨日到商台接受《發式早餐》錄音訪問時，如沐春風，記者問他前晚是否跟Sammi一起慶祝，並在Sammi家中過夜時，安仔一味詐儍扮懵笑說：「吓？係咩？啊！我以前唔講呢啲嘢，𠵱家都唔講，有嘢先至講啦！」
及後經記者再三追問，安仔始肯承認前晚確是跟Sammi一起慶祝，他說：「其實阿梅（梅艷芳）係發起人，重有好多人嚟㖭，我喺Party度食埋嘢先至走嘅！」
未知安仔是否心情過度興奮，當記者再追問他在Sammi家中過夜一事時，他竟一時口快快說：「好正常，去慶祝一件值得慶祝嘅事，唔使去澄清，總之就係開心事啦！」
而安仔日前在頒獎禮上的廚房宣言可說成為一時佳話，但安仔卻說：「其實我冇咁偉大，只係嗰剎那鼓勵到我講呢番說話啫！」適逢昨日安仔的《昨遲人》（劇場版）錄音帶派上電台，錄音帶盒面剛巧有一幅廚房照片，但安仔強調只是巧合，該廚房並不屬於他或Sammi。
此外，Sammi昨晚七時四十五分離開寓所，前往銅鑼灣錄音室錄音時，未肯停下接受記者的訪問。
採訪：梁詠怡、娛樂突發組
攝影：何國豪、梁詠怡