吳君如前晚喺自己主持嘅電台節目《嘩嘩嘩！打到嚟！》裏面，大踩無綫《勁歌》頒獎典禮嘅主持曾志偉、林曉峰同趙學而嘅服裝設計，話佢哋嘅服裝的確令人丟架。
吳君如話：「我同朋友喺屋企睇《勁歌金曲》，我諗緊啲西人如果睇到呢個香港大型音樂頒獎典禮，見到嗰堆人着成咁，真係有少少丟架。我唔係講緊啲歌手，係講緊啲主持，直情有少少覺得汗顏，真係攞命，呢啲就真係badtaste（品味差）。我個朋友重話乜好似澳門星河夜總會啲人嚟咗咁，一堆歌星喺台上着到鬼五馬六，不過我唔知佢係講緊邊個。」
君如又力踩新城嘅廣告好無聊，佢話：「我最近睇咗個廣告，真係好無聊，笑咗一日。話說我哋商台頒獎禮嘅口號係『人人英雄，一一起舞』，咁友台新城出咗個頭版話佢哋嘅頒獎禮係收視冠軍，喺廣告度話『誰是真英雄？我們做得更好』，但係我唔知點解佢嘅收視係同無綫掛鈎，重有，我哋根本唔係話自己係英雄。」
黎明同韓國女星朴銀慧合演嘅科幻韓片《天使夢》（Dreamofawarrior），喺韓國上畫時反應冷淡。呢套戲等。
環球唱片雖然喺《勁歌》頒獎典禮攞唔到大獎，但嗰晚由張國榮同譚詠麟帶領環球歌手合唱嘅《同步過冬》都幾搶鏡。尤其係當黃貫中一開腔唱歌嗰陣，觀眾更加起哄，當堂令到無綫班高層愕咗然，因為黃貫中一向唔做無綫騷，但佢出場嘅反應竟然出奇地好，所以班高層即刻對黃貫中刮目相看，喺嗰晚就拉住環球啲大員密密斟，想請佢返無綫做節目。
早前憑一首《成人禮》打入香港樂壇嘅韓國天后朴志胤，最近再度喺香港推出新歌《IAMAMAN》。朴志胤喺MV入面，擺脫以往性感形象，一人分飾兩角，反串扮型男同純情少女。重以男士禮服打扮大跳大唱，入型入格。佢後日重會首度來港，為港台嘅《十大中文金曲頒獎典禮》擔任頒獎同表演嘉賓。
五人組合臨記，都係時下一班敢言又鍾意玩音樂嘅青少年，但馮仁昭聽聞佢哋就唔多鍾意VRF呢隊四人組合，因為有次臨記同啲朋友講話有人好唔掂，唔識跳舞就做跳舞組合，做唔足自己本分。咁朋友就問佢係咪講緊VRF，點知臨記重抵死，話：「我唔識呢四個人喎，或者Weare廢啦！」