好耐冇見利時D，星期日特登到月餅場探班，只見利時D兩公婆精神奕奕，氣色極佳，睇嚟今季應該逆巿搵大錢。佢兩公婆勝在齊心，值得港人學習，政府高官不妨都向佢哋借鏡。利時D太座用人得宜已值得一讚，起用靚女「潛水表」做Sales，由利時直攻月餅場，聽聞引嚟唔少狂蜂浪蝶，平日舖內見唔少陳浩南Look靚仔螞蟻摟蜜糖，原來個個都慕名而來，只因「潛水表」可愛活潑，打扮極富時下流行嘅原宿涉谷味。觀音兵總不免藉辭幫襯而親近伊人，舖頭生意自然直線上升，眾陳浩南Look少年亦順便變形象，由旺角系順利過渡成九龍原宿系，靚女Sales功不可沒。
雖然半年前「潛水表」被雜誌訪問戴Rolex心得，誇口批評月供Rolex有如「出賣勞力者戴勞力士」，未免有失斯文，訪問出街後引嚟好大迴響，但你一見「潛水表」咁天真，又點嬲得佢落？
所以話利時D兩夫婦勝在知人善用，難怪嗰日「潛水表」一放假，門口即刻靜晒，利時D只有苦笑。
主持人：大食Jack
八卦熱線：