陳曉東再次發揮他的「暗寸」本色，繼指有人是縮頭烏龜後，昨日又稱有人給蕉皮他踩，矛頭直指謝霆鋒。而仍在醫院休養的張柏芝，病情大有好轉，其父鬍鬚勇透露，若情況理想，料柏芝十多日後可以落牀。
陳曉東昨日出席海逸酒店舉辦的第四屆香港安全標誌頒授儀式時，繼續發揮「暗寸」本色，繼指有人是縮頭烏龜後，又稱有人給蕉皮他踩，矛頭直指謝霆鋒。
陳曉東昨日在現場和安全套公仔影相時說：「我應該叫做避難套，希望可以少啲是非，踩少啲蕉皮，我一直都好似表演緊踩蕉皮咁，而且鋪鋪甘，同埋又表演緊雜技，踩鋼線、吞槍，好戇居，好在我重撐得住，最戇居嗰次係咩事就唔好講啦，都過咗去咯！」
其助手在旁插嘴說：「希望啲人唔好咁冇公德心，再畀蕉皮佢踩啦！」
記者問東東指的可是謝霆鋒，他說：「我係講做採訪時要有多啲危機感，有時傳媒會斷章取義。」
至於可會去探張柏芝，陳曉東說：「適當嘅時候我會做適當嘅嘢。」對於陳小春去探柏芝，他則耍手擰頭說：「唔好問我啦，我唔方便答你。」
而昨日是柏芝為《仁濟》飛車受傷入院的第十二日，其父鬍鬚勇昨日下午三時許，前往浸會醫院探望柏芝時表示，柏芝情況已見好轉，預計十幾日後便可以落牀。
鬍鬚勇說：「柏芝開始做物理治療，預計十幾日後就可落牀，至於係咪出院，就要醫生決定，屋企人梗係希望佢早啲出院啦，等我哋喺屋企照顧佢。」他還說柏芝現時毋須再進食流質食物，胃口不俗。
記者問柏芝早日出院，豈不是可以早點工作，減少金錢上的損失？鬍鬚勇暗寸記者說：「希望啦，你哋話全家都係靠佢食飯㗎嘛！」
日前柏芝緋聞男友陳小春專程到醫院探望，但鬍鬚勇不以為然說：「小春都係中國星嘅人，探佢（柏芝）有乜出奇啫？又唔係探我！」未知鬍鬚勇可曾跟小春見過面？鬍鬚勇說：「冇見過！」另外，容祖兒（Joey）昨日凌晨十二時許，也到過醫院探望柏芝。
採訪：駱華齡、汪正文
攝影：馬啟然、仇志德