王菲目前正在上海為賀歲片《天下無雙》趕戲，而不能回港出席各大頒獎典禮，她在大前晚的《勁歌》頒獎禮中更食白果。王菲的經理人陳家瑛前日在王力宏演唱會記者會上對此回應說：「唔緊要，應該尊重每個媒體，各個媒體有佢哋嘅評分標準，尊重佢哋決定。」
但王菲一向視為囊中物的「亞太區最受歡迎女歌星」一獎亦敗給陳慧琳，陳家瑛說：「陳慧琳係一個好勤力歌手，恭喜佢囉。」那麼王菲有否為此而不開心？她說：「阿菲早排先攞完TVB8頻道最佳女歌手，總之我哋會繼續努力。」
此外，有說澤東電影公司發了封警告信予EMI，陳家瑛坦言是有收到封通知信，她說：「唔係警告信，只係電影公司表明個檔期係屬電影公司所有。」在旁王菲的另一經理人邱王黎寬亦說：「其實我哋好尊重合約，阿菲都冇返嚟，有乜好警告啫，佢連個女生日party都冇返嚟啦，我諗佢緊張個女多過頒獎禮。」
而對於王菲和謝霆鋒傳情變一事，陳家瑛說：「吓，又嚟啦，感情嘅嘢唔好講。」