臨近農曆新年，話題仍是經濟低迷，不過經濟不景亦可以帶來正面影響，以下介紹位於灣仔的家具舖，就因為經濟問題而進行結業清貨大冧價，布梳化主要由馬來西亞廠房製造，其他家具則由東南亞其他國家入口，質料上有晒保證。由於係結業散貨，每款貨品都是一件起兩件止，不過不同款式合共差不多達百件，想趁過年前換家具就唔好遲疑啦！
記者：許穗齡
攝影：伍慶泉、龍宇略
新婚不久、正為添置家具而煩惱的葉生葉太，大力推介呢張雙座位梳化。梳化用比利時織布製，內裏則用乳膠製，外套可拆出以機洗，買梳化重連埋三大個咕𠱸，難怪葉太坐到唔願走。
尺寸：60吋×35吋
原價：$5,800
特賣價：$1,700（連咕𠱸）
店主話唔係執笠真係唔會做咁低價，呢張梳化選用格仔Polyester布，乃22座位，比一般雙座位梳化闊落，梳化內裏用乳膠製，坐墊內更裝有彈弓，令你坐得更舒適，𠵱家標價唔使二千蚊，店主只歎市道唔好！
尺寸：64吋×32吋
原價：$6,500
特賣價：$1,950
小記就比較鍾意深色嘅梳化，因為襟污糟，好似呢張啡色嘅棉布梳化就最適合不過。梳化內部同樣以乳膠製，特惠價$6,000已經夠抵，重送埋七個咕𠱸，坐落去非常舒服。唔信？不妨到場試吓。
尺寸：91吋×36吋
原價：$12,000
特賣價：$6,000（連七個咕𠱸）
全場茶几一律以半價發售，街坊郭小姐就睇中呢張由印度入口的茶几。方形茶几以印度木Sheesham製成，中間則配上玫瑰花紋鋼架，再放上玻璃做枱面，開着天花燈的話，地面就會出現花紋倒影，真係幾靚㗎！
尺寸：28吋×28吋
原價：$3,990
特賣價：$1,995
郭小姐：「我諗住過年前換啲新家具，呢個茶几真係唔錯，價錢都幾平！」
一般木衣櫃喺連鎖家具店可以好平，但係呢款由泰國入口嘅全柚木衣櫃，就肯定出面無得賣兼做唔到咁平，款式以簡約為主，其他重有酒櫃、電視櫃及牀頭櫃等，全部都係五折起，重有不少係幾十年古董，值得一看。
尺寸：闊32吋、深20吋、高84吋
原價：$7,900
特賣價：$3,950
小記對AnimalPrint情有獨鍾，好似呢款老虎紋及豹紋藤織配鋼架的雜誌架就啱晒我，由菲律賓入口，小記喺連卡佛都見過類似款式，價錢當然貴到飛起，今次特賣以半價出售，每個唔使四百蚊，買返屋企點綴吓都唔錯。
尺寸：闊45cm、高30cm
原價：$790
特賣價：$395
店主一再強調，店內大部分貨色在連卡佛都可見到，好似呢盞坐枱燈，燈座以兩色瓷製成，而燈罩則選用米色印度棉，款式的確高貴得體。其他款式坐枱燈亦以半價至七折清貨，不妨到場慢慢揀。
尺寸：高24吋、闊14吋
原價：$1,399
特賣價：$699.5
香港為首間結業分店
FELLA在新加坡、汶萊及日本等地合共近有30間分店，但由於經濟不景，香港門市將成為集團內首間結業之分店，MrTelly表示，尾隨後的可能是台灣及新加坡分店，以縮細營業範圍逆境求存。
貨量表
各款梳化：共32件
各款茶几：共15件
各款坐枱燈：共18件
各款櫃：共15個
各款雜誌架：共6個
馬來西亞自設廠房
標榜百分百入口家具，在馬來西亞自設一萬二千多呎工場，以外國入口布製造各式布梳化為主，另外會在東南亞各地如印度及菲律賓等國入口當地家具售賣。
FELLADESIGN特賣場
特賣期：即日起至1月27日
結業日期：1月27日
營業時間：10:30am-7:30pm
地址：灣仔皇后大道東141-145號恆山中心地庫
查詢電話：25205386
網址：
＊接受現金、Visa、Master及AE信用卡
＊送貨費用：香港島$250、九龍$350、新界$500
鍾意自己選擇款式及布花，小記就推介你去另一間位於紅磡嘅家具舖，所有梳化同樣做緊特價，陳列貨品一律半價，但貨量得十件以內，但訂造嘅都可以有六五折，全部貨品係由大陸及香港廠房製造，大約2至3個星期就可以收到貨。
呢張貴妃椅內裏以超力膠製，訂做的話重有五種硬度選擇，外面則用上印度棉布，重連埋兩大個咕𠱸，𠵱家陳列價都係賣到$2,500，訂購三千幾，不妨到場揀揀。
尺寸：闊66吋、深33吋
原價：$5,000
陳列價：$2,500
特惠訂購價：$3,250
近年家具持續走簡約主義，呢款以全棉灰布加白色邊的22座位，相信啱晒各位年輕朋友的口味。梳化褥同樣以超力膠製，坐落去都幾舒服，而且梳化套可以拆出乾洗，做多幾個套隨時換色都得。
尺寸：闊72吋、深35吋
原價：$5,900
陳列價：$2,950
特惠訂購價：$3,835
另外重有不少雙座位梳化椅選擇，呢款訂購價唔使三千，款式夠沉實，長輩較易受落，同樣內裏以超力膠製，外套則用纖維及棉混合製成。
尺寸：闊60吋、深34吋
原價：$4,400
陳列價：$2,200
特惠訂購價：$2,860
雅舍
特賣日期：即日起至2月5日
營業時間：12:30pm-9:30pm
地址：紅磡漆咸道北427號地下
電話：23650529
＊所有價錢已包括送貨（離島除外）
＊接受現金、EPS、Visa及Master卡