CES一向是美國四大電子產品展覽之一，而內裏嘅展品對於未來新科技潮流，亦有指導性作用。今年2002InternationalCES最令人驚喜嘅產品，相信SD卡必定有份，以往好多人詬病SD卡對應的電子產品非常少，今次CES就一次過晒冷俾大家睇，而且重加入咗好多第三廠新開發嘅產品。另外，喺展場中，重有好多非常有趣而極生活化嘅電子產品出現，或者大家可以從中發掘出未來數碼生活嘅新潮流。
文、攝：麥朗
E-Wear
Panasonic一向是倡導SD卡的龍頭老大，今次在CES中，就展出了全新以SD卡為基準的E-Wear系列。所謂的E-Wear，是指全部可以帶得喺身嘅SD數碼產品，由攝影錄像、影像輸出及影像播放都全面兼顧，好似想將數碼影像音樂潮流一手包辦。
輕巧細小的數碼MPEG4錄像機SV-AV10，淨重只有3.46安士。功能上屬於四合一機種，可以作數碼錄像機、數碼相機、音樂播放器及數碼錄音機，當然是使用SD卡來儲存資料。
SV-AV10拍攝了的影片，最適合用SD-VM11來顯示。SD-VM11本身是一個1.8吋的微型電視，可以直接經SD卡讀取影片、圖像及音樂檔案。配合Docking使用，亦可以連續其他設備如普通錄影機或電視遊戲機等。另外，機身極細小，重量亦只有3安士，原機還配有頸繩，可以讓用家掛在頸上。
E-Wear的SD卡相片打印機SV-P10，重量只有6.53安士，可以隨身攜帶。打印的相片解像度為203dpi，機身尺寸為2.7吋×1.5吋。每張相紙打印時可以選擇打印一張相片或四張小相片，每次打印大約需時70秒。
xybernaut專門生產穿着式電腦，今次在CES展出最新機型poma。poma使用日立128MHz的SH-4處理器，運行WinCE系統。poma分為三部分，頭戴式顯示器、主機及光學鼠標，比以前的型號更見簡潔輕巧。
速報
除了E-Wear外，Panasonic近日大受注視的數碼相機系列Limux，亦在CES中推出了全新的數碼相機，既然同屬Limux系列，自然配備Leica鏡頭及使用SD卡作標準儲存媒介。
電子水族箱
Pioneer聯同世嘉在CES展出了一個「電子水族箱」，顯示屏為Pioneer輕觸式等離子螢幕，世嘉則設計系統及軟件。觀眾可以用手指輕觸螢幕，模擬用手指敲打水族箱的情況，而裏面的熱帶魚，會按敲打位置作出反應逃避，非常鬼馬。