話咁快又一年，新城財經台又籌備台慶節目，近日上去接受訪問嘅大粒佬，佢哋當然唔放過。噚日，長江基建董事總經理甘慶林，上新城接受紅籌之父梁伯韜專訪，訪問完咗之後，新城行政總裁甘國亮掹住佢，錄定一段音，以留待台慶時用。
兩位甘先生難得碰頭，少不免互相恭維，甘國亮重話，之所以有財經台，全因甘慶林一句說話。
原來，兩年前佢哋在一個公益活動見面，甘慶林話自己成日行三號幹線，成日諗點解香港冇財經電台。甘國亮話就係因為呢句說話令佢開竅，於是就催生一個新電台，佢重話當年開台，甘慶林點咗首歌鼓勵佢哋，就係LouisArmstrong嘅《WhataWonderfulWorld》。
（圖）甘慶林（左）上財經台接受訪問，甘國亮自然要掹住佢傾番句。
E-mail：