董太想打乒乓波，可以搵邊個做拍檔？答案是康文署署長梁世華！原因？等董太自己解畫：「董生咁忙，啲仔又嫌我渣，打兩下就要執波，唔肯同我玩，啲孫太細未識打。」結果昨日她出席保良局賽馬會大棠度假村第二期開幕，一見到乒乓球枱，就拉住梁世華大叫：「阿Paul，我要同你打番局。」事頭婆叫到，阿Paul當然唔會托手踭，於是董太發球，只打咗四板，就自己大力抽出界。
不過去到「嬉」蝦池，董太唔肯釣蝦，話：「我怕出醜」，只肯將別人釣到的蝦放生，似乎經過撈魚事件學精咗。
講到阿董競選，她的反應更離奇，話自己好少出市區見市民，唔想俾人話幫阿董拉票，重好驚青咁話拉票的事「唔關我事」。八方好好奇，董太幾時變咗要政治中立的公務員呢？
﹙圖﹚董太見到乒乓球就技癢，自然要表演一下。
E-mail：