新登場：
本地日民居酒日誌

1月14日　月曜日
從京都到香港已三個月，廣東話，唔識講唔識聽；不過香港的日本菜好好味。今晚老闆請食飯，去銅鑼灣新開的居酒屋，重係由日本廚師「煮」理。重遇好耐無飲的富山、青森和高知縣清酒，還有長崎燒酒此處都有，Yeah！飲勝。小食款式多，好似返咗日本咁，由生至熟，從淡至濃，一於要慢慢歎。

記者：楊一凡　攝影：伍慶泉

沙律
鱲魚吞拿魚沙律$120
飲酒前食客沙律先，香港人成日食三文魚，日本人就鍾意食鱲魚和吞拿魚，撈埋自家製沙律汁，好親切。

試味報告： 鱲魚夠爽口，吞拿魚表面煎過吓，好煙韌，拌海帶食，新鮮！

揚物
吉列肉碎茄子$40（上）
和風炸魚丸$52（下）
把炒得鹹香的豬肉碎釀茄子，套上吉列戰衣後，便可輕鬆上場；和風丸中丸，黃皮白肉粉紅心，是炸魚丸包三文魚丁。

試味報告： 日本茄子勝在無核，拌肉末吃似魚香茄子；淡口的炸魚丸肉地結實。

涼拌
甜蝦黃蘿蔔$65（上）
鱲魚拌納豆$52（下）
甜蝦躺在黃色雪地……切粒黃蘿蔔，鱲魚掉進泥地……切粒納豆，漬蘿蔔和納豆分頭誘發鮮味，調味料？唔使啦。

試味報告： 黃蘿蔔的酸味令甜蝦倍甜，鱲魚清爽不礙納豆發放「味」力。

煮物
茿前煮$45（上）
煮家鄉南瓜$45（下）
雞肉、蓮藕、蒟蒻、淮山和冬菇在甜豉油鍋裏，滾呀滾，直至水漸收乾，入晒味；日本南瓜零舍甜，只要小小味淋和豉油，煮兩煮，搞掂。

試味報告： 茿前煮似是濃味的關東煮，煮家鄉南瓜軟勝雪糕，甜如蜜。

炒和燒物
甜炒淮山蘆笋$35（上）
麵豉醬里芋$38（下）
淮山即是牛蒡，高纖維又利尿解毒，切絲後拌蘆笋加豉油同炒；原粒的骰日本芋頭去皮烚熟，烤一會兒後分別塗上辛辣、甘甜和鹹甜麵豉醬。

試味報告： 切得幼細的牛蒡既入味又不會太硬身，大小若魚蛋的芋頭仔極黏軟。

罕見靚酒
店方自家購入多款本港少見但日本人常飲的清酒及燒酒，每瓶容量都是1.8L，售價六百港元，要淺嘗一品（日式小酒瓶的容量）是$90，二品是$170。

壹岐(長崎)$230
材料包括大麥和米麴，前者佔三分之二，後者佔三分一，酒色金黃，酒味不算辛辣，甜甜的。

店名：Meshiya
電話：28912315
地址：銅鑼灣告士打道268號地下(近世貿中心)
座位：80個
營業時間：正午12時至下午3時，晚上6時至凌晨4時。
付款方法：現金及信用卡(A.E.,Diners,JCB,Master,Visa)