八方早前寫九巴董事長陳祖澤，話佢矮唔緊要，九巴股價高就得。二○○一年，九巴股價由十八蚊升上三十三蚊，威過大部分藍籌，陳祖澤對得股東住有餘。
其實去年九巴重有樣好嘢益股東，就係分拆「路訊通」上市。當時認股價每股兩蚊兩毫半，上市之後一度跌咗一半，但現在又炒上兩皮之上，貨源多在基金之手。將已飽和嘅巴士市場成功變生一個廣告市場出嚟，高嘅人都好難諗得到。
最新一期《Asiamoney》，選咗路訊通做去年最佳新上市公司。呢個選舉，係由全世界各地基金經理、研究部門主管評選，有地位㗎。
E-mail：