儘管容祖兒唱功受認同，但其實她身上卻背負着一個計時炸彈，就是她的聲帶發炎舊患。
在《叱咤》頒獎禮上，Joey亦曾在台上哭道：「我成日聲沙，一聲沙就覺得死期到，玩埋今年就冇。」所以Joey為了保護聲帶，除了看中醫調理外，她亦表示會效法林子祥的閉門養聲妙法。
Joey笑說：「睇中醫係醫好把聲最好嘅方法，我有聽聞阿Lam（林子祥）喺開騷前嘅一個禮拜唔講嘢，我都要好似佢咁，講少啲嘢，其實我喺一攰嘅時候，喉嚨就會發炎，所以我都希望喺新嘅一年，自己嘅喉嚨永遠唔攰。」
自言入行三年以來，未嘗拍拖滋味的Joey，計劃在今年苦心鑽研歌藝，所以她稱這一年也不敢旨望能獲愛情滋潤，惟有寄情於她所飼養的一對波斯貓「懵丙」和「妹妹」上。
Joey說：「自從我養嗰隻波斯貓『波子』死咗之後，我細佬就買咗另一隻波斯貓『懵丙』，佢係仔嚟㗎，而『妹妹』就係有個fans知我鍾意波斯貓，有日特登放佢喺我屋企門口，『妹妹』係女仔，所以特別嗲。『懵丙』儍吓儍吓嘅，我至同佢起咗呢個名。𠵱家淨係湊貓同工作已經充斥晒我個腦，重邊有時間諗拍拖吖，有時間諗吓喺事業上點衝刺重好啦。」