謝霆鋒早前探望因飛車受傷的張柏芝，惹來「乘虛而入」的報道，他昨日凌晨在紅磡拍攝新片《戀愛行星》，公開解釋自己往醫院探望，只是想送上西藏活佛贈的平安符和千年泥土，祝福柏芝早日康復。
張柏芝早前在《慈善星輝仁濟夜》，因飛車環節意外傷胸椎骨，需留院醫治。柏芝留院期間，好友謝霆鋒親往探望，有雜誌指他和柏芝擦出愛火。霆鋒和林嘉欣昨日凌晨在紅磡碼頭「香港冬季嘉年華」，拍攝新片《戀愛行星》。
謝霆鋒說：「嗰晚（指柏芝出事當晚）我聽緊GiGi（梁詠琪）演唱會，之前我見過西藏活佛，佢送咗兩個平安符同一啲千年泥土畀我，當我聽到柏芝出事，咪帶平安符同千年泥土趕去醫院，將平安符掛喺佢牀頭，希望可以保佑佢，我只係想祝福一個好似細妹嘅朋友平安。呢件事我忍咗幾日唔想講，講到自己好好心，好𤓓！（意指衰咗，很瘀）。」
其實霆鋒往欣賞梁詠琪個唱當日，柏芝前男友陳曉東（東東）也是座上客，可是對於柏芝受傷，二人反應迥異，霆鋒聞訊即往慰問，東東卻中途離場，避免記者追訪。
對於有雜誌指謝霆鋒不滿東東經常對柏芝呼喝，又謂東東「好𤓓」，前日東東回應有人借雜誌放飛箭，做縮頭烏龜，矛頭直指霆鋒，霆鋒對此說：「佢（指陳曉東）係鬧本雜誌，唔係話我。」謝霆鋒昨日凌晨拍外景時，即場試玩攤位遊戲，當霆鋒擲壘球掟積木時，因太用力，以致右手拇指和食指撞向桌面，頓時擦損流血。
此外，環球唱片高層SimonChu，昨日在紅館出席無綫《勁歌》拜神儀式。對於柏芝飛車受傷的保險問題，Simon打了個譬喻說：「我舉個例，兩兄弟撞車，都要一方告對方，先可以攞保險費，就算好老友都要告。」言下之意似暗示環球唱片會追究無綫。
無綫製作部助理總監何麗全昨日在電話對此回應：「如果佢哋（指環球唱片）真係要採取行動，我哋只可以等律師信。」
採訪：魯萍
攝影：陳志嵐