八方最近同立會議員陳智思（Bernard）傾開偈，身兼十五份公職的Bernard話忙到十八個月大嘅仔仔都唔認得個老竇，結果呢個聖誕新年假期，Bernard同太太兒子飛去美國自我禁錮，日日對實十八個月大嘅仔，目的只有一個，就是想肯定個仔認得自己。看來Bernard都係時候減少一些公職，但他說身兼的公職之中，好多開始有大嘢搞，退出好衰仔，八方惟有祝他成日去旅行。
講開個仔Bernard就眉飛色舞，雖然仔仔未識講嘢，他已滿肚密圈催谷愛子做語言專家。他和太太教英文當然冇問題，但教中文就有些頭痛，因為Bernard想教普通話，來自新加坡嘅太太發音好過Bernard，但詞彙就不夠豐富，所以兩公婆都諗過點分工。至於廣東話就由爺爺陳有慶負責。不過Bernard話二十年後個仔大個，廣東話作為方言，一定唔及普通話有用，所以兩文兩語都已經夠。八方聽落都心有同感。
E-mail：