張燊悅（Nicola）日前在商台《叱咤》頒獎禮中奪「生力軍女歌手」銅獎，當時她激動得在台上哭成淚人。因為在過去的七個月歌手生涯內，她曾被彈麻煩、被視作透明、還被批評是非多、唱歌唔夠氣四宗罪，但張燊悅對遭人狂踩，卻說：「Idon掐care（我唔介意）！」
Nicola：當初環球簽我嗰陣時，第二間唱片公司嘅人同環球嘅人講：「簽張燊悅呀？short咗咩？佢好麻煩，佢唔掂㗎，慳番啖氣啦！」後尾唱片公司嘅人同我講番呢件事，我覺得最難為係喺我身邊做嘢嘅人，因為佢哋要繼續幫我做嘢。今次我攞咗個獎唔係特別叻，但我係有努力過，唔想俾人覺得唱片公司簽錯人。
Nicola：好多人一見張燊悅就諗起是非，但我從未諗過是非，是非只係會打擾心中有是非嘅人，基本上Idon'tcare（我唔介意）！係人哋將是非擺落我度，唔係我攬住嘢唔放。不過點都好，是非令我成熟，我重希望同講過我是非嘅人做番朋友，呢個圈冇一世敵人嘅。
Nicola：我試過喺無綫電視城嘅化妝間，啲人眼尾都唔望吓我，重用個背脊對住我。但唔緊要呀，好彩我自己係個肯講嘢嘅人。
Nicola：我知自己唱歌唔夠氣，我嘅力量只可以支持唱幾首歌。為咗唔好唱歌時扯蝦，我已經鎖定目標，每日一定要花三十分鐘做運動，做situp，行樓梯，多啲打波練氣。
撰文：朱芷瑩
攝影：林德雄
髮型：CalvinChan(Tete)
場地提供：Twentyonetwentyonebar