錢慧儀、馬薛芷倫長擁YSL
不朽聖羅蘭永存女人心

法國殿堂級品牌YSL始祖聖羅蘭，經過四十多年的設計生涯，上周一宣布退休。本港社交名人如錢慧儀、馬薛芷倫、何超瓊等，向來對YSL不離不棄，更會珍藏大師具時代性的設計，聖羅蘭這名字，將永留在各人的心中。

譽滿國際四十多年、現年六十五歲的法國設計大師聖羅蘭（YvesSaintLaurent），上周一（七日）宣布退休。聖羅蘭主理的高級女裝店亦會結業，標誌着他的HauteCouture（高級訂做服）將在時裝巨輪中消失。

「設計創新大膽」
聖羅蘭於六一年成立YSL品牌，九九年售予GucciGroup，並由時裝天才TomFord接棒設計YSL的Ready-to-wear系列時裝，本地名媛及明星對TomFord繼續接棒、發揚YSL精神都大表支持。歷年來聖羅蘭有不少擁躉，本港名人如賭王何鴻燊千金何超瓊（Pansy）、大生銀行馬清揚太太錢慧儀、馬清偉太太馬薛芷倫、何壽南千金何明懿、邱子傑太太李茂琪、女星梁詠琪及江欣燕等，均是聖羅蘭及YSL的捧場客。

TomFord保精神
錢慧儀（Winnie）自言八十年代已是聖羅蘭的擁躉，Winnie日前在電話中說：「我鍾意佢有自己嘅style，設計好創新同大膽，令我最難忘嘅係佢八十年代嘅作品，好似希臘式服裝、燕子尾晚裝等，我個人都珍藏佢八十年代Ready-to-wear裙。」
談及由時裝天才TomFord接手後的YSL，Winnie讚揚他把聖羅蘭的經典發揚光大，她說：「聖羅蘭到後期冇再接觸Ready-to-wear嘅設計，但TomFord嘅設計明顯比以往新潮咗、young啲。我最欣賞佢嘅設計有新元素，同時亦保留咗聖羅蘭嘅spirit。」

收藏大師作品
而Ball后馬薛芷倫（Fanny）亦對YSL讚歎不已，數年前她已在英國及法國着手搜羅聖羅蘭的作品。Fanny日前在電話中說：「我最深刻就係佢嘅SmokingJacket同TuxedoJacket，單穿上一套西裝，入面真空，sexy得嚟又好型。我諗佢男裝女穿嘅概念絕對係一個經典，我收藏咗聖羅蘭五套作品，全部都唔捨得着。」
談到聖羅蘭與TomFord的分別，Fanny說：「我鍾意一啲復古嘅嘢，不過珍藏經典同日常穿着又係兩回事，TomFord嘅設計每季個theme都唔同，我覺得好靚又wearable。」
而近年亦喜歡穿YSL的江欣燕則說：「雖然聖羅蘭係大師級設計師，不過佢專造太斯文嘅高級訂做服，唔係咁啱我着。至於我𠵱家着TomFord嘅作品，因為我覺得佢嘅設計好strong，線條感好強，我比較喜歡簡單嘅設計。」