94年第一份暑期工，第一支唇膏記得係鮮紅色嘅ShuUemura，係用阿媽嘅，搽完後頓時飛越未來成熟嬌豔，五官飛揚心花怒放；後來興上自然化妝，靚就靚，不過就未能盡化妝之興；事隔多年終於等到紅唇回歸，重要搭上紅色眼影同大紅胭脂，FashionShow如AlexandreMatthieu、ChristianLacroix、PaulSmith、JayMaskrey同JaredGold作催化劑實在功不可沒，還有女性天生內裏嘅點點姣味一併散發出嚟必成今季大熱。 記者：盧德瑛 攝影：楊錦文
化妝髮型：JaniceLo
模特兒：Tiffany(StarzPeople)
一定要買有名如Shiseido、NARS、ChirstianDior等品牌，鮮紅色嘅豐滿誘惑力至能發揮得淋漓盡致；另外輔助工具有同色唇筆畫出唇形，化好後在唇邊再加上白色Highlighter令唇形凸顯，紅白分明。
話紅色胭脂興似乎有點多餘，其實有邊年唔興，去年夏季㗎妹勁玩黃色胭脂IPSA同5S都有狂谷，結果都係興唔起；今年紅胭脂落位變咗顴骨位以後，或者如曬傷一樣由兩邊臉連鼻樑一橫紅噹噹，最緊要薄薄一層。
難着嘅衫如StellaMcCartney，如果着得到家就個人自信更上一層樓，一道紅色眼影效應雷同，梁詠琪同Bjork化得靚其實你都得，有吉士地濃濃一筆在眼窩向上由深至淺，象徵式眼角一點都得啫，晚妝首選。
紅妝自然聯想紅唇，想起永垂不朽嘅夢露朱唇，《紅磨坊》DancingGirl嘅一抹情慾紅唇，紅唇跟女人有分不開嘅宿命，不同年代亦有女星現身說法。
巴黎再度成為FashionCapital，自然潮流種種湧現街頭，紅唇紅眼影一街都係。
(J)Joyce(29181780)金鐘太古廣場2樓
(S)金鐘西武百貨(29713888)金鐘太古廣場