最新一期《忽然1周》報道女優歐陽海璇（璇璇）自爆去年除夕夜，跟古天樂（古仔）在角廊倒數狂歡。
璇璇在《忽周》訪問中，大讚古仔好人兼靚仔。璇璇自稱古仔承諾今年開戲執導警匪片，並會預她做女主角，璇璇還向《忽周》記者展示銀包內藏的古仔閃卡。她更稱前緋聞男友兆尊曾送她一卡鑽石戒指。
記者昨日致電身在潮州家鄉的璇璇，她竟推翻《忽周》訪問的內容，璇璇說：「我都冇講過嗰啲嘢，不過我承認除夕夜有落角廊玩，咁都有見到古仔，係朋友介紹我哋認識，我好鍾意佢，所以銀包咪成日放住佢張閃卡囉！」
至於兆尊昨日在電話中說：「佢（指歐陽海璇）啲嘢，點解唔問古仔，我再答就劃唔清界線，你哋（指記者）對公眾人物咁有興趣，點解唔去問吓華仔（指劉德華）有幾多個仔？」
採訪：比華利